🌼राजुराचा प्रणय पिंपळकर सी. ए. परिक्षा उत्तीर्ण : माजी आ. सुभाष धोटे यांच्या हस्ते गौरव

✍️दिनेश झाडे
मुख्य संपादक

राजुरा:– स्वामी विवेकानंद नगर, राजुरा येथील प्रतिष्ठित नागरिक श्री. अशोकराव आणि सौ. ललिता पिंपळकर यांचा मुलगा प्रणय पिंपळकर याने चार्टर्ड अकाऊंटंन्ट (C. A.) च्या परिक्षेत नेत्रदीपक यश मिळवून राजुराचे नाव उंचावले त्यामुळे त्याच्या या यशाबद्दल चंद्रपूर जिल्हा काँग्रेसचे जिल्हाध्यक्ष माजी आमदार सुभाष धोटे यांनी त्यांच्या निवासस्थानी भेट घेऊन प्रणयचा शाल, श्रीफळ देऊन सत्कार केला. पुढील वाटचालीस शुभेच्छा दिल्या. तसेच त्याच्या आई, वडील यांचे देखील अभिनंदन केले. विशेष म्हणजे पिंपळकर दाम्पत्यांचा मोठा मुलगा परिक्षित पिंपळकर याने सुद्धा इंजिनिअरिंग करून सध्या ते लंडन येथे इंजिनिअर म्हणून काम करीत आहेत त्यांच्या यशामध्ये आई वडील यांचे अनमोल सहकार्य लाभले आहे.
विशेष बाब म्हणजे इयत्ता चौथी पर्यंत इन्फंट जिजस इंग्लिश हायस्कूल राजुरा, ५ ते १० वी दिलासाग्राम इंग्लिश स्कूल बल्लारपूर ११ ते १२ वी विद्यानिकेतन चंद्रपूर येथे कॉमर्स आणि नागपूर येथे C. A. कोचिंग नंतर हैदराबाद येथे १ वर्ष नोकरी नंतर C. A. फाईनल परीक्षेसाठी राजुरा येथे सरदार पटेल सरकारी अभ्यासिकेत व घरी अभ्यास करून २०२५ C. A परिक्षेच्या दि. ६ जुलै २०२५ रोजी जाहीर झालेल्या निकालत तो उत्तम गुणांसह उत्तीर्ण होऊन C A साठी पात्र झालेला आहे. प्रणय च्या या यशाबद्दल त्याचे कौतुक करण्यासाठी प्रदीप धोटे, हेमंत झाडे उपस्थित होते. त्याच्या या यशाबद्दल परिसरातील नागरिकांकडून त्याचे कौतुक केले जात आहे.