🌻श्री संत गाडगे महाराज विद्यालयातील महादेव हजारे यांचा सेवानिवृत्ती सत्कार

✍️मुनिश्वर बोरकर संपादक

गडचिरोली:-श्री संत गाडगे महाराज विद्यालय गडचिरोली येथील महादेव हजारे विज्ञान परिचर यांचा सपत्नीक सेवानिवृत्तीपर सत्कार करण्यात आला . महादेव हजारे यांना पुष्पगुच्छ , शाल आणि पत्नी लता हजारे यांना साडी देऊन सत्कार करण्यात आला . या कार्यक्रमाचे अध्यक्ष शाळेचे मुख्याध्यापक भोजराज कान्हेकर होते . प्रमुख पाहुणे शिक्षक जी. पी . बावनकुळे , आर . एन . कराडे , मिना मुरमुरवार होते .शाळेचे मुख्याध्यापक भोजराज कान्हेकर म्हणाले की , महादेव हजारे यांनी सेवेत कुठलीही हयगय न करता प्रमाणिकपणे विनाअनुदानित पासून तर शाळेला शंभर टक्के अनुदान मिळेपर्यंत सेवा केली . यावेळी प्रमुख पाहुणे जी.पी . बावनकुळे , आर . एन . कराडे , महादेव हजारे , लता हजारे , डब्ल्यू . बी . कृष्णाके, मिना मुरमुरवार यांनी विचार व्यक्त केले .
या कार्यक्रमाचे संचालन विशाल चलाख यांनी केले तर आभार प्रबुद्ध रायपुरे यांनी मानले . या कार्यक्रमाला बहुसंख्य विद्यार्थी उपस्थित होते .