💢सिंदेवाही तहसील कार्यालयात महसूल दिन साजराउत्कृष्ट महसूल अधिकारी व कर्मचारी यांच्या सत्कार

सिंदेवाही:-आज दि.1 ऑगस्ट 2025 रोजी तहसील कार्यालय सिंदेवाही येथे महसूल दिनाचे आयोजन आणि महसूल सप्ताहाचा शुभारंभ कार्यक्रम आयोजित करण्यात आला. यावेळी लोकशाहीर अण्णाभाऊ साठे यांच्या जयंती निमित्त प्रतिमेस पुष्पहार अर्पण करून कार्यक्रमाची सुरुवात करण्यात आली. महसूल दिनाचे महत्व आणि महसूल सप्ताहातील कार्यक्रमाची रूपरेषा तहसीलदार संदीप पानमंद यांनी सांगितले. या अंतर्गत तालुक्यात विविध ठिकाणी कार्यक्रमाचे आयोजन करण्यात आले असून नागरिकांनी सेवा सुविधाचा लाभ घ्यावा असे आवाहन करण्यात आले. गेल्या वर्षभरात उत्कृष्ट कामगिरी केलेल्या अधिकारी कर्मचारी यांचा सत्कार करण्यात आला. सिंदेवाही तालुक्यात उल्लेखनीय कामगिरी केल्याबद्दल रणजित देशमुख नायब तहसीलदार, दिनेश पुजारी सहा. महसूल अधिकारी, राहुल तोडसाम मंडळ अधिकारी, विकेश खरकाटे तलाठी, अशोक पाकमोडे महसूल सहाय्यक, चक्रधर गेडाम शिपाई, आकाश श्रीरामे महसूल सेवक, राजेंद्र गेडाम मतदान केंद्रस्तरीय अधिकारी, देवेंद्र तलांडे पोलीस पाटील वासेरा यांना तहसीलदार संदीप पानमंद यांच्या हस्ते गौरविण्यात आले. यावेळी मंगेश तुमराम, सागर वाहने, सविता मडावी नायब तहसिलदार, शरद लोखंडे निरीक्षन अधिकारी व सर्व कर्मचारी उपस्थित होते