💢महसूल सप्ताह 1 ते 7 ऑगस्ट 2025

✍️दिनेश झाडे मुख्य संपादक

कोरपना:-दिनांक03 ऑगस्ट 2025
स्थान.नांरडा ,कोरपना तालुका राज्य शासनाच्या निर्देशानुसार 1 ते 7 ऑगस्ट 2025 दरम्यान महसूल सप्ताह साजरा करण्यात येत आहे. या सप्ताहाअंतर्गत 3 ऑगस्ट रोजी “पाणंद/शिवरस्ते मोजणी करून अतिक्रमणमुक्त करणे व त्यांच्या दुतर्फा वृक्षलागवड” हा विषय घेऊन विशेष कार्यक्रम आयोजित करण्यात आला.या कार्यक्रमाचे आयोजन कोरपना तालुक्यातील नांरडा गावात सकाळी 12:00 वाजता करण्यात आले.या वेळी कार्यक्रमास मा. आमदार श्री. देवरावदादा भोंगळे (राजुरा विधानसभा क्षेत्र) यांची प्रमुख उपस्थिती लाभली. त्यांच्यासह , तहसीलदार श्रीमती पल्लवी आखारे मॅडम, नायब तहसीलदार, मंडळ अधिकारी, तलाठी, व ग्रामस्थ मोठ्या संख्येने उपस्थित होते.या उपक्रमांतर्गतया कोरपना तालुक्यातील प्रत्येक मंडळातील गावा-गावांमध्ये अतिक्रमणमुक्त पाणंद रस्त्यावर दुतर्फा झाडे लावण्याच्या उपक्रम राबविण्यात आला. तसेच अतिक्रमण असलेले पांदण रस्ता त्यांच्यावरील अतिक्रमणे ओळखून अतिक्रमणमुक्तीची कारवाई करण्यात येणार आहे. .झाडांची देखभाल व संरक्षणासाठी स्थानिक लोकप्रतिनिधी, शेजारील शेतकरी आणि ग्रामस्थ यांचा सहभाग सुनिश्चित करण्यात आला.
लागवडीनंतर झाडांची जबाबदारी संबंधित शेतकऱ्यांना देण्यात आली आहे, जेणेकरून दीर्घकालीन संवर्धन शक्य होईल.या उपक्रमामुळे ग्रामीण भागातील रस्त्यांचा विकास व पर्यावरण संवर्धन एकत्र साधले गेले.
तसेच माननीय आमदार महोदय श्री. देवरावदादा भोंगळे यांच्या हस्ते संजय गांधी योजनेचे लाभार्थी यांना लाभ मंजुरीचे आदेश वाटप करण्यात आले.