💥मुरुमगांव जवळील बेलगावात हत्तीच्या कळपाने केले शेती व घराचे नुकसान

संपादक – प्रा. मुनिश्रर बोरकर गडचिरोली
धानोरा:-धानोरा तालुक्यातील मुरुमगांव जवळील अतिदुर्गम बेलगावात हत्तीचा हैदोस गावकऱ्यांना पाहावयास मिळाला. बेलगांव गावातील काही घराचे नुकसान केले तर शेतातील रोवणे , पळे , आवत्यां पायाखाली तुडवित रात्रोच्या वेळेस हत्ती बेलगावात शिरले. हत्तीचा कळप आरमोरी , कुरखेडा तालुक्यात राहता राहता आता छत्तीसगड सिमेलगत मुरुमगांव जवळील बेलगावात पोहचले गावकरी हत्तीचा कळप पाहताच सैरावैरा पळू लागते मारणार या आकांत्याच्या भितीने काही नागरिक पक्या घराच्या छतावर लपून बसले. गावातील पवन इंदलसिंग छालनिचा यांच्या घराचे छप्पर पाडले त्यानंतर महेंद्र प्यारेलाल लेडिया यांच्या घराला लक्ष्य केले घरातील धान , बिजाई , जिवनापयोगी वस्तुची नासधुस केली. गावकऱ्यांनी बॉटरी व फटाके फोडताच हत्तीचा कळप जंगलात परतला.