राजुरा जनसंपर्क कार्यालयात भाजपा स्थापना दिन साजरा.

ध्वजारोहण व ऑनलाईन कार्यकर्ता संमेलनाचे थेट प्रक्षेपण.

राजुरा, दि. ०६ एप्रिल
भारतीय जनता पार्टी हा केवळ एक राजकीय पक्ष नाही, तर राष्ट्रभक्तीचा तो एक विचार आहे, विकसित भारताची एक चळवळ आहे, जी राष्ट्र उभारणी आणि जनसेवेसाठी समर्पित असून आपल्या सारख्या कर्तव्यनिष्ठ कार्यकर्त्यांच्या मेहनतीमुळे जगात नंबर वन झाली आहे. असे प्रतिपादन आमदार देवराव भोंगळे यांनी केले.
भाजपच्या ४५ व्या स्थापना दिनानिमित्त राजुरा येथील विधानसभा जनसंपर्क कार्यालयात आयोजित ध्वजारोहण व ऑनलाईन कार्यकर्ता संमेलनावेळी कार्यकर्त्यांना मार्गदर्शन करतांना ते बोलत होते.

भाजपा राजुरा तर्फे स्थानिक जनसंपर्क कार्यालयात स्थापना दिनाच्या औचित्याने विधानसभा स्तरीय कार्यक्रमाचे आयोजन करून आमदार देवराव भोंगळे यांचे शुभहस्ते ध्वजारोहण करण्यात आले. यावेळी कार्यकर्त्यांनी भारतीय जनता पार्टीचा विजय असो असा जयघोषही केला.
ध्वजारोहणानंतर प्रदेशाच्या वतीने आयोजित केलेल्या मजबूत संघटन – ऑनलाईन कार्यकर्ता संमेलनाच्या थेट प्रक्षेपणात सहभागी होत मुख्यमंत्री ना. देवेंद्रजी फडणवीस, प्रदेशाध्यक्ष ना. चंद्रशेखरजी बावनकुळे आणि कार्यकारी अध्यक्ष आ. रविंद्रजी चव्हाण यांच्या मार्गदर्शनाचा लाभ घेतला.

डॉ. श्यामाप्रसाद मुखर्जी, श्रद्धेय अटल बिहारी वाजपेयीजी यांनी भाजपची ०६ एप्रिल १९८० रोजी स्थापना केली. डॉक्टरांनी “एक देश, एक विधान, एक निशान” असा नारा दिला. त्यांनी देशाला एकात्मतेच्या सूत्रात बांधण्याचे स्वप्न पाहिले होते. तर आजच्याच दिवशी मुंबईच्या त्या समुद्रकिनारी अटलजी म्हणाले होते, अंधेरा छटेगा, सुरज निकलेगा और कमल खिलेगा! आणि त्यांच्या या स्वप्नाला पुढे नेण्याचे काम आज आपल्या देशाचे लोकप्रिय पंतप्रधान, विश्वगौरव मा. नरेंद्रजी मोदी न थकता, न थांबता करत आहेत.
आज भाजपा देशातील सर्वात मोठी पार्टी झाली आहे. त्यामागे कार्यकर्त्यांची अपार मेहनत आहे. देशात सर्वाधिक राज्यात भाजप व मित्रपक्षाचे सरकार आहे, सर्वाधिक आमदार-खासदार आपल्या भाजपाचे आहेत. हे सर्व कर्तव्यनिष्ठ कार्यकर्त्यांच्या भरवशावर झाले आहे. त्यामुळे आजच्या या मंगलदिनी मी उर्जावान कार्यकर्त्यांनाही सलाम करतो. आपण ‘सबका साथ, सबका विकास, सबका विश्वास आणि सबका प्रयास’ या मंत्रावर चालत आहोत. देशातील शेवटच्या घटकापर्यंत विकास पोहोचवणे हेच आपले ध्येय आहे. आज जगात भारताची ओळख एक मजबूत आणि विकसित राष्ट्र म्हणून होत आहे. हे सर्व आपल्यासारख्या कार्यकर्त्यांच्या कठोर परिश्रमामुळे आणि लोकांच्या विश्वासाने शक्य झाले आहे.
पुढे बोलताना, आज आपण विकसित भारताचे स्वप्न पाहत आहोत. या स्वप्नाला साकार करण्यासाठी आपल्याला अधिक जोमाने काम करावे लागेल. आपल्या कार्यकर्त्यांनी लोकांमध्ये जाऊन केंद्र व राज्य सरकारच्या लोककल्याणकारी योजना, सरकारची ध्येयधोरणे पोहोचवली पाहिजेत. लोकांना सरकारी योजनांचा लाभ मिळवून देण्यासाठी मदत केली पाहिजे. यासोबतच आज दिवसभर सर्वांनी सक्रिय सदस्यता नोंदणी करण्यासाठी वेळ दिला पाहिजे. असे प्रतिपादन करीत आपण सर्वांनी मिळून एक सशक्त आणि समृद्ध भारत घडविण्याचा आणि आपण सगळ्यांनी एकत्र येऊन आपापल्या घरी भाजपा ध्वज फडकवावा, आणि आपल्या विचारांची, मूल्यांची उजळणी करण्याचा संकल्प करावा. असे आवाहन त्यांनी केले.

यावेळी मंचावर जिल्हा उपाध्यक्ष विनायक देशमुख, तालुकाध्यक्ष सुनील उरकुडे, शहराध्यक्ष सुरेश रागीट, महामंत्री मिलिंद देशकर, महिला मोर्चाच्या शहराध्यक्षा माया धोटे, शहर उपाध्यक्ष राधेश्याम अडाणीया, तालुका महामंत्री वामन तुराणकर, बाळनाथ वडस्कर, युवा मोर्चाचे शहराध्यक्ष प्रफुल्ल घोटेकर, बंडू मानुसमारे,विनोद देशमुख, संजय उपगण्लावार, विलास बोनगिरवार, सतिश कोमरवेल्लीवार, सुरेश धोटे, सोमेश्वर आईटलावार, रवींद्र ठाकुर, श्रीनिवास उत्ननुरवार, नितीन वासाडे, शंकर मडावी, सचिन बैस, मनोहर आईटलावार, शंकर धनवलकर, बंडू हजारे, प्रफुल कावळे, महादेव हिंगाणे, राजेश वाटेकर, विनोद नरेन्दुलवार, पंढरी रासेकर, निलय गवारे, श्रीनिवास मंथनवार, स्वप्नील राजूरकर, दिपक झाडे, रामचंद्र घटे, राजकुमार भोगा, प्रणय विरमलवार, प्रदिप पाला, अब्बास खेराणी, प्रदीप मोरे, सचिन बल्की, सचिन भोयर, अमोल पानघाटे, चंद्रशेखर भोंगळे, उज्वल्ला जयपुरकर, ममता केशेट्टीवार, शितल वाटेकर, शुभांगी रागीट, योगीता भोयर, लक्ष्मी बिस्वास, रजनी बोढे, दिपा बोंथला, अरुणा गावंडे, प्रतीक्षा पिपरे, फिरोज खान, रवी लेक्कलवार, तुषार कोरडे, अभय ठाकूर, रोशन बांदुरकर, सचिन सावे, प्रशांत पेंदोर, स्वप्नील पहानपटे, संदेश दुर्गे, प्रशांत मासीरकर, महेश भटारकर, रवींद्र परचाके, मयूर उपलेंचवार, मुर्नुजा बेग, जगदीश साठोणे, राकेश बेतावार, सी.टी. खोब्रागडे, निलेश वाढई, वैभव पावडे, मनोज बोढेकर, अमोल बोढे, वसंता वैरागडे, प्रकाश पाटनकर, राहुल साळवे, नितीन पावडे, रत्नाकर पायपरे, अभिजित कोंडवार, जितेश धोटे यांचेसह मोठ्या संख्येने पदाधिकारी व कार्यकर्त्यांची उपस्थिती होती.