💥आरमोरी येथील हिरो होंडा लालानीची जुनी बिल्डींग खचली💥 तिघाचा दुदैवी मृत्य तिन गंभीर जखमी तर काही ढिगाऱ्या खाली सापडले➡️प्रशासनाचा वतीने मदत कार्य सुरु

संपादक मुनिश्वर बोरकर गडचिरोली

आरमोरी :-आरमोरी येथील ब्रम्हपूरी – वडसा मेन रोड पंचायत समिती आरमोरी समोरील अमित लालानीची बिल्डिंग खचल्यामुळे यात तिघांचा मृत्यु तिनजन गंभीर जखमी तर काही ढिगाऱ्याखाली सापडल्याची दाट शक्यता वर्तविली जात आहे.आज दिनांक ८ ऑगष्ट २०२५ रोजी दुपारी २ च्या सुमारास पंचायंत समिती आरमोरी समोरील हिरो होंडा कंपनी टुव्हिलर गाड्यांची शोरूमची इमारत अंदाजे 30 ते ३५ वर्षाची जुनी इमारत त्यामधे अनेक गाडे आहेत व वरच्या मजल्यावर एकात्मिक बाल विकास प्रकल्प कार्यालय सुद्धा थाटले आहे. आज शुक्रवार बाजारचा दिवश असल्यामुळे काही गाडी खरेदी करणारे गिऱ्हाईक , दुकानात गेले होते तर कामगार सुद्धा हजर होते.सदर बिल्डींगच्या समोरचा भाग खचल्यामुळे यात तहसिन शेख वय 30 वर्ष रा. वडसा अफसान शेख वय32 वर्ष रा. वडसा , आकाश बुरांडे निलज तिघांचा दुदैवी मृत्यु झाला तर सौरभ चौधरी मेंडकी ता. ब्रम्हपुरी , विलास मने वय ५० वर्ष रा. आरमोरी दिपक मेश्राम वय 23 राहणार आरमोरी हे तिघे गंभीर जखमी झालेत बघ्याची तोबा गर्दी जमली होती. प्रशासन जेसीपी च्या सहाय्याने ढिगाऱ्याखाली सापडलेल्यांना बाहेर काढणे मदत कार्य सुरु होते. आरमोरी पोलीसांकडून अधिक तपास सुरु आहे. पावसामुळे जुन्या इमारती पडक्या इमारतींच्या घरमालकांना नगर प्रशासनाकडून नोटीस दिल्या जाते परंतु निष्क्रिय आरमोरी नगर परिषदेने तसे नोटीस पाठविले नाही तसेच घर मालक लालानी यांनी पावसाळ्यात आपल्या इमारतीची काळजी घेतली नाही. घरमालक व नगर प्रशासनावर गुन्हे दाखल करावे अशी नागरिकाकडून मागणी होत आहे.