💢भाजपा घोट (आष्टी )मंडलची विस्तारित कार्यकारिणी बैठक उत्साहात संपन्न

🟦मा.खा.डॉ. अशोकजी नेते यांच्या नेतृत्वात बैठकीत पक्ष संघटन बळकट करण्याचा निर्धार

✍️मुनिश्वर बोरकर संपादक

गडचिरोली:-दि. ०८ ऑगस्ट २०२५,ता. चामोर्शी (घोट):भारतीय जनता पार्टी, तालुका चामोर्शी अंतर्गत घोट( आष्टी) मंडलची विस्तारित कार्यकारिणी बैठक शासकीय विश्रामगृहात शुक्रवार दिनांक ८ ऑगस्ट रोजी घोट येथे उत्साहात पार पडली. या बैठकीचे प्रमुख मार्गदर्शक म्हणून माजी खासदार तथा भाजपा अनुसूचित जनजाती मोर्चाचे राष्ट्रीय महामंत्री डॉ. अशोकजी नेते यांनी उपस्थित राहून प्रभावी मार्गदर्शन केले.या बैठकीस ओबीसी मोर्चाचे प्रदेश उपाध्यक्ष बाबुरावजी कोहळे, जिल्हा महामंत्री प्रकाशजी गेडाम, महिला मोर्चाच्या प्रदेश सचिव रेखाताई डोळस, जिल्हा महिला मोर्चा अध्यक्षा योगिताताई पिपरे, घोट मंडलचे अध्यक्ष राकेश सरकार, माजी जि.प. सदस्य नामदेवराव सोनटक्के, तालुका महामंत्री विनोद गौरकर, जेष्ठ नेते मनमोहन बंडावार,विलास उईके जेष्ठ नेत्या आकोली बिश्वास, अनिता रॉय, कविता उरकुडे, अर्चना बोरकुटे, पुष्पाताई करकाडे,यांच्यासह अनेक मान्यवर कार्यकर्त्यांची मोठ्या संख्येने उपस्थिती होती.बैठकीत मार्गदर्शन करताना मा.खा. डॉ. अशोकजी नेते म्हणाले की, “देशाचे लोकप्रिय पंतप्रधान नरेंद्रजी मोदी यांच्या नेतृत्वात देशाचा सर्वांगीण विकास झपाट्याने सुरू आहे. केंद्र व राज्य शासनाच्या लोकाभिमुख योजना प्रत्येक घरापर्यंत पोहोचविण्यासाठी कार्यकर्त्यांनी सज्ज राहावे. भाजपा कार्यकर्त्यांनी संघटन अधिक मजबूत करण्याच्या दृष्टीने तळागाळात पोहोचून काम करणे गरजेचे आहे.”तसेच त्यांनी गडचिरोली जिल्हा आघाडीच्या नव्याने नियुक्त झालेल्या पदाधिकाऱ्यांचे अभिनंदन करत पुढील शब्दांत शुभेच्छा दिल्या “नवीन कार्यकारिणी व आघाडीने कार्यकर्त्यांना बरोबर घेऊन भाजपाचे संघटन अधिक बळकट करावे. आगामी जिल्हा परिषद, नगर परिषद निवडणुकांमध्ये विजय निश्चित आपल्या पक्षाचाच होईल.”असा विश्वास व्यक्त करतोय.असे प्रतिपादन या बैठकित मा.खा.डॉ. नेते यांनी व्यक्त केले.या बैठकीत “हर घर तिरंगा” मोहिमेच्या नियोजनासंदर्भात सविस्तर चर्चा झाली. येणाऱ्या १५ ऑगस्ट स्वातंत्र्यदिनी प्रत्येक घरोघरी तिरंगा फडकविण्याच्या अभियानात सहभागी व्हावे तसेच रक्षाबंधन या उत्सवाचा महिला मोर्चाच्या नेतृत्वात प्रभावी कार्यक्रम घेण्याच्या दृष्टीने नियोजन करत कार्यक्रम घ्यावे. बैठकीदरम्यान कार्यकर्त्यांच्या विविध सूचना व मागण्यांचाही आढावा घेण्यात आला. एकूणच या बैठकीत संघटनात्मक दृढतेसह आगामी राजकीय वाटचालीसाठी प्रेरणादायी दिशा ठरवण्यात आले