राजेश येसेकर ✍️ तालुका प्रतिनिधी भद्रावती
भद्रावती : येथील मोठी एम आय डी सी येत असलेल्या ग्रेटा व न्यू इरा या कोल गॅसिफिकेशन कंपनीने सानुग्रह अनुदान, नोकरीची हमी देऊन त्रिस्तरीय लेखी करार देण्यात यावा या प्रमूख मागण्या संदर्भात अजूनही शासन दरबारी दखल न घेतल्याने प्रकल्पग्रस्त शेतकऱ्यांनी धरणे आंदोलनाचा पवित्रा घेऊन आंदोलन अधिक तीव्र करण्याचे ठरविले आहे.
शहरातील तहसील कार्यालया समोरील नागपूर चंद्रपूर रोड लगत दिनांक २४ मार्च ते ५ एप्रिल दरम्यान हे आंदोल सुरू राहणार असून यात विंजासन, गवराळा, तेलवासा, ढोरवासा, पिपरी, चिरादेवी, चारगाव येथील प्रकल्पग्रस्त सकाळी १०ते सायंकाळी ६.००वाजेपर्यंत महिला पुरुष व मुलाबाळसहीत क्रमाक्रमाने सहभागी होणार आहेत.
वेळोवेळी निवेदन देऊन, चक्क विधानसभा, विधान परिषद येते प्रश्न उपस्थित करून, आणि दिनांक.१७ तारखेला भव्य मोर्चा द्वारे विरोध दर्शवून सुध्दा कुंभकर्णी झोपेतील प्रशासन जागे न झाल्याने प्रकल्पग्रस्तांनी
आंदोलनाची भूमिका घेतली आहे.
सदर धरणे आंदोलनाकरिता अधिकाधिक संख्येने प्रकल्पग्रस्तांनी उपस्थित राहावे असे आवाहन प्रकल्पग्रस्त संघर्ष समितीचे वतीने एका प्रसिद्धी पत्रकाद्वारे केले आहे.
