💢उपअधिक्षक , भूमीअभिलेख कार्यालय सिरोंचा नेहमीच गायब. शेतकरी हवालदिन

गडचिरोली संपादक मुनिश्वर बोरकर

सिरोंचा:-भुमीअभिलेख कार्यालय सिरोंचा येथील उपअधिक्षक सिरोंचा हे कार्यालयात नेहमीच गैरहजर राहत असल्यामुळे दुरवरून येणाऱ्याअनेक कास्तकांराना आल्या पावले वापस जावे लागते तेव्हा अश्या उपअधिक्षक सिरोंचा यांची बदली करण्यात यावी अश्या प्रकारची तक्रार रिपब्लिकन पार्टी चे अहेरी विधानसभा प्रमुख शंकर अण्णा चेनीगारपू सिरोंचा यांनी उपायुक्त भूमी अभिलेख नागपूर यांच्याकडे केलेली आहे.
सिरोंचा तालुक्यातील भूमी अभिलेख कार्यालयाचे उपअधिक्षक हे आपल्या कार्यालयात नेहमीच गैरहजर राहतात महिन्यातून एकदा दोनदा त्यांचे दर्शन घडतो त्यांच्या टेबलावर अनेकांच्या फाईला तिन तिन महिन्यापासून धुळ खात आहेत अतिदुर्गम भागातुन आदिवासी बांधव , शेतकरी कार्यालयात चकरा मारतात व गावाकडे निघुन जातात.
सदर अधिकारी यांचेकडे भामरागड व सिरोंचा अश्या दोन तालुक्याचा प्रभार असल्यामुळे कुणी विचारलं तर मला दोन तालुके सांभाळावे लागते एकच काम आहे काय असे बोलतात तेव्हा अश्या अधिकाऱ्यांना सिरोंचावरून तात्काळ बदली करावी व आदिवासी – शेतकऱ्यांना दिलासा घ्यावा अशी मागणी शंकर अण्णा चेनीगारपू सिरोंचा यांनी उपायुक्त भुमी अभिलेख नागपूर यांच्याकडे केली .