💢लायन्स क्लब, गडचिरोलीच्या नवीन पदाधिकाऱ्यांचा पदग्रहण समारंभ उत्साहात संपन्न.

संपादक प्रा. मुनिश्वर बोरकर गडचिरोली

गडचिरोली:-दि. 26.07.2025 – लायन्स क्लब, गडचिरोलीच्या नवीन पदाधिकाऱ्यांचा पदग्रहण समारंभ काल पर्यावरण पुरक गो ग्रीन थीमने मोठ्या उत्साहात व शिस्तबद्ध वातावरणात GDCC बँक हॉल येथे संपन्न झाला.
नवीन वर्षातील पदाधिकारी अध्यक्ष लॉयन महेश बोरेवार, सचिव नितिन बट्टूवार तथा कोषाध्यक्ष सौ. संध्या चिलमवार, उपाध्यक्ष किशोर चिलमवार व उप कोषाध्यक्ष निलिमा देशमुख आदी पदाधिकाऱ्यांना इन्स्टॉलिंग ऑफिसर लॉयन पिडीजी चंद्रकांत सोनटक्के सर यांनी तर नवीन सदस्य रमेश काळबांडे, साधना काळबांडे, घनश्याम परशुरामकर यांना रिजन चेअरपर्सन शैलेंद्र राय यांनी त्यांच्या पदाची शपथ दिली.गेस्ट ऑफ ऑनर पीडीजी एमजेएफ डॉ विनोद अदलखीया यांनी आपले मार्गदर्शनातून लायन्स क्लबचे काम करणे म्हणजे समाजसेवेची एक सुवर्णसंधी असते असा दृष्टिकोन विविध उदाहरणाद्वारे आपल्या मार्गदर्शनातून दिला. त्यानंतर माजी अध्यक्ष लॉयन मंजुषा मोरे यांच्या हस्ते नवीन पदाधिकाऱ्यांना सूत्रे सोपविण्यात आली.यावेळी मागील सत्रात उत्कृष्ट कार्य केल्याबद्दल बेस्ट लॉयन लेडी म्हणून सपना बोरेवार, शालिनीताई निंबारते, बेस्ट लॉयन म्हणून नितीन बट्टूवार, सुरेश लडके यांना गौरविण्यात आले. बेस्ट लेडी लॉयन सपोर्टर संध्या येलेकर, बेस्ट लॉयन सपोर्टर किशोर चिल्लमवार यांना गौरविण्यात आले तसेच इयत्ता दहावी परीक्षेत गुणवंत ठरलेल्या क्लब सदस्यांची पाल्य सोहम चिलमवार यांना गौरव चिन्ह देऊन गौरविण्यात आले.यावेळी लॉ. सौ. संध्या येलेकर यांनी स्वलिखित केलेले पुस्तक “चित्रलिपी” व लॉय. सपना बोरेवार यांनी बांबू पासून तयार केलेली पुष्पगुच्छे मान्यवरांना भेट स्वरूपात आठवण म्हणून देण्यात आले. कार्यक्रमाचे संचालन लॉयन संध्या येलेकर तर आभार नितीन बट्टूवार यांनी मानले. कार्यक्रमास संस्थापक अध्यक्ष नारायण पद्मावर, घिसुलाल काबरा, भुजंग हिरे , कॅबिनेट ऑफिसर शेषराव येलेकर, नादीरभाई भामानी , प्रा. देवानंद कामडी , शेमदेव चाफले , प्रभू सादमवार , स्मिता लडके , सुचिता कामडी, शालिनी निंबारते, वंदना चाफले, परवीन भामानी , सपना बोरेवार , स्वाती पवार ,माधुरी चंबूलवार, सविता बट्टूवार, छाया पद्मावार , भारती मडावी , ज्योती देवकुले , रूपाली काळे आदी उपस्थित होते.