🟦रिपाईची तक्रार -सिरोंचा महामार्गावर अडचण आणणारी भिंत पाडून राज्य महामार्ग रस्ता तयार करा न .प

♨️सिरोंचाला धडकले जिल्हाधिकारीचे पत्र. अजुनही कारवाई नाही. मुख्याधिकारी आपल्याच तोऱ्यात

संपादक मुनिश्वर बोरकर गडचिरोली

सिरोंचा:- सिरोंचा शहराच्या मध्यभागी भिंत उभी असल्यामुळे राज्य महामार्गाचे भिंती पर्यत येऊन ठेपलेले काम रखडले आहे. सदर रस्ता छत्तीसगड तेलगंणा , आलापल्ली व असरअल्ली मुख्य मार्ग जातो सदर भिंतीमुळे चारही बाजुने जाणाऱ्या रस्त्याचे काम ठेकेदारांनी बंद केलेले आहे.
रस्त्याच्या कामातअडचण आणणारी भिंत नगर प्रशासनाने पाडावी अश्या प्रकारचे निवेदन जिल्हाधिकारी गडचिरोली यांना रिपब्लिकन पार्टी तर्फे अहेरी सिरोंचा विधानसभा प्रमुख शंकर अण्णा सेनिगारपु सिरोंचा , रिपब्लिकन पार्टी जिल्हा गडचिरोली अध्यक्ष प्रा. मुनिश्वर बोरकर आरपिआय नेते गोपाल रायपुरे , उपाध्यक्ष दशरथ साखरे . मारोती भैसारे आदिच्या शिष्टमंडळानी तक्रार केली होती.
सदर तक्रारीची दखल जिल्हाधिकारी गडचिरोली यांनी घेऊन नगरप्रशासन क्र. कार्या १० (१) नपाप्र / कवि २३६ /२०२५ दि. 30 मे २०२५ अन्वये मुख्याधिकारी नगरपंचायत सिरोंचा यांना पत्र प्राप्त होवून सुद्धा अजुनही कारवाई करीत नाही याचे आश्चर्य सिरोंचाकरांना वाटतो. रिपाईच्या तक्रारीचे सिरोंचात अभिनंदन करण्यात आले परंतु मुख्याधिकारी न.प सिरोंचा सदर चांगल्या बाबीकडे दुर्लक्ष करीत आहेत.
येत्या आठ दिवसात न .प प्रशासन सिरोंचाने सदर बाबीकडे लक्ष दिले नाही तर न .प समोर आमरण करण्याचा ईशारा आरपिआय सिरोंचा प्रमुख शंकरअण्णा सेनिगारपु सिरोंचा यांनी दिलेला आहे.